រាជធានីភ្នំពេញ ៖
តំណាងអយ្យការសាលាដំបូងរាជធានីភ្នំពេញ លោកឯក ឆេងហួត
ព្រះរាជអាជ្ញាធរង កាលពីព្រឹកថ្ងៃទី១០ តុលា
បានសម្រេចធ្វើការចោទប្រកាន់ពីចាងហ្វាងផលិតកម្មក្លាស៊ិចពី
បទចេញមូលប្បទានបត្រ(សែក) អត់សាច់ប្រាក់ចំនួន២ម៉ឺនដុល្លារ
ដែលការចោទប្រកាន់ជាផ្លូវការនេះបានចាប់បញ្ជូនទៅខាងចៅក្រម
សើបសួរ
ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្នរង់ចាំបើក
សវនាការតាមផ្លូវច្បាប់ ។
ចាងហ្វាងផលិតកម្មក្លាស៊ិចឈ្មោះហួរ សុផល
អាយុ៣៣ឆ្នាំ មានអាសយដ្ឋានស្នាក់នៅផ្ទះលេខ១៥
ក្នុងបុរីប៉េងហួត សង្កាត់ស្ទឹងមានជ័យ ខណ្ឌមានជ័យ ។
ដើមចមឱ្យមានការចោទប្រកាន់និងឈានទៅដល់ការសម្រេចឃុំខ្លួនចាង
ហ្វាងផលិតកម្មខាងលើនេះ ត្រូវបានគេដឹងថា កាលពីថ្ងៃទី២១ កញ្ញា
ឆ្នាំ២០១២ នៅបុរីរិទ្ធ ក្នុងសង្កាត់ទួលសង្កែ លោកហួរ សុផល
បានជួបលោកមៃ៉ សុគន្ធ ដែលជាមនុស្សរាប់អានគ្នាជិតស្និទ្ធ ។
ពេលនោះ លោកហួរ សុផល បានខ្ចីប្រាក់លោកម៉ៃ សុគន្ធ
ចំនួន២០.០០០ដុល្លារសហរដ្ឋអាមេរិក
ដើម្បីុយកទៅប្រើប្រាស់ធ្វើដើមទុនរកស៊ី
ដោយសន្យា១ខែនឹងសងវិញគ្រប់ចំនួន ។
កិច្ចសន្យាបានធ្វើឡើងតាំងពីថ្ងៃទី២១ កញ្ញា ឆ្នាំ២០១២
រហូតមកដល់ពេលនេះចាត់ទុកថាមានថេរវេលាជិត១ឆ្នាំហើយ
ប៉ុន្តែក្នុងចន្លោះពេលនេះ លោកម៉ៃ សុគន្ធ
ជាដើមបណ្តឹងក៏បានទាក់ទងលោកហួរ សុផល
ដើម្បីទារបំណុលនោះវិញជាញឹកញាប់ដែរ តែលោកហួរ សុផល
បានគេចវេសមិនព្រមសងប្រាក់ ។ លុះដល់ថ្ងៃទី២៧ ឧសភា
ឆ្នាំ២០១៣ លោកហួរ សុផល បានឱ្យសែក១សន្លឹក
ដែលមានទឹកប្រាក់២ម៉ឺនដុល្លារឱ្យទៅលោកមៃ៉ សុគន្ធ
ជាម្ចាស់បំណុលដើម្បីទៅបើកនៅធនាគារ ។
ប៉ុន្តែអ្វីៗត្រូវបានខុសបំណងនៅពេលលោកម៉ៃ សុគន្ធ
យកសែកទៅបើកប្រាក់ស្រាប់តែខាងធនាគារបញ្ជាក់ថា
សែកស្អុយគឺមានន័យថា ជាសែកគ្មានសាច់ប្រាក់ ។
ប្រភពព័ត៌មានឱ្យដឹងថា ទោះបីលោកហួរ សុផល
ចេញមូលប្បទានបត្រអត់សាច់ប្រាក់ហើយក៏ដោយ
ក៏ដើមបណ្តឹងបានទុកពេលវេលាច្រើនខែទៀតដើម្បីឱ្យលោកហួរ សុផល
ចាងហ្វាងផលិតកម្មក្លាស៊ិចរកប្រាក់សង តែចុងក្រោយដោយលោកហួរ
សុផល នៅតែគេចវេសពីបំណុលនេះ ទើបលោកម៉ៃ សុគន្ធ
ដាក់ពាក្យបណ្តឹងទៅនគរបាលនាយកដ្ឋានព្រហ្មទណ្ឌក្រសួងមហាផ្ទៃ
ឱ្យចាប់ខ្លួនចាងហ្វាងផលិតកម្មរូបនោះប្រគល់ជូនស្ថាប័នតុលាការ
ដើម្បីចាត់ការតាមផ្លូវច្បាប់ ។ ទីបំផុតលោកហួរ សុផល
ត្រូវបានឃុំខ្លួនដាក់ពន្ធនាគារជាបណ្តោះអាសន្ន
ពីបទចេញមូលប្បទានបត្រអត់សាច់ប្រាក់២ម៉ឹនដុល្លារ ។
ផលិតកម្មក្លាស៊ិចជាក្រុមហ៊ុនផលិតខ្សែភាពយន្តនិងចម្រៀងដែលមាន
ក្រុមតារាល្បីៗជាច្រើននាក់ផងដែរ
តែរយៈពេលចុងក្រោយកាលពីជាង១ឆ្នាំ
ចុងក្រោយនេះផលិតកម្មនេះត្រូវបានបិទទ្វារ
ហើយក្រុមតារារបស់ក្រុមហ៊ុននេះក៏បានចាកចេញទៅចូលរួមជាមួយ
ផលិតកម្មដទៃវិញ ។
គេមិនដឹងឱ្យស៊ីជម្រៅជុំវិញការបិទទ្វារផលិត
កម្មនោះទេ ។
ពិតជាគួរឱ្យសោកស្តាយដែលអ្នកលើកស្ទួយវិស័យសិល្បៈមិនបានទទួល
ផលចំណេញពីរបរនេះ
ទីបំផុតជំពាក់ប្រាក់គេវ័ណ្ឌ.កនាពេលនេះរហូតក្លាយជាអ្នកទោស
ដោយសារប្រើសែកស្អុយ ៕
អត្ថបទនេះដកស្រង់ពី៖ កាសែតកោះសន្តិភាព
No comments:
Post a Comment