ដែលកាលលើកមុនខ្ញុំធ្លាប់បានសរសេរម្ដងនោះគឺ "ទើបតែចាប់ផ្ដើមប្រើ Facebook ភ្លាមត្រូវ Facebook Block ភ្លែត (30 ថ្ងៃ)" ខ្ញុំក៏រង់ចាំរយៈពេល 30 ថ្ងៃដើម្បីបានចូលប្រើ Facebook វិញ តែល្បង Facebook បាន Block ខ្ញុំមិនឲ្យប្រើរហូត មិនដឹងជាវាខឹងខ្ញុំរឿងអី។ ដូច្នេះខ្ញុំក៏បង្កើត Email ថ្មីមួយទៀត ដើម្បីយកមកចុះឈ្មោះប្រើ Facebook មួយទៀត (ព្រោះថា គេមិនអនុញ្ញាតឲ្យគណនី Email ដែលធ្លាប់ចុះឈ្មោះប្រើ យកទៅចុះឈ្មោះជាថ្មីបានទេ ទាល់តែរក Email ថ្មីមួយទើបអាចបង្កើតបានទៀត)។
ដោយមិនទឺទែ ខ្ញុំបានបង្កើតមួយ Email ថ្មីមួយយកទៅចុះឈ្មោះបង្កើតគណនី Facebook មួយទៀត។ តែដោយសារលើកនេះមានការប្រុងប្រយ័ត្ន ខ្ញុំមិនហ៊ានដាក់ឈ្មោះក្លែងក្លាយទេ ខ្លាចអាល្បង Facebook ដឹង បិទខ្ញុំចោលទៀត។ ការបង្កើតបានជោគជ័យមិនមានអ្វីអាក់អន់ទេ។ ដោយការប្រុងប្រយ័ត្ន ខ្ញុំមិនហ៊ាន add friend ផ្ដេសផ្ដាសទេ ព្រោះ ៖
- បើ add friend ខ្លាចពេល Facebook សួរបញ្ជាក់ទៅ ខ្ញុំអត់ដឹង។
- បើ add friend ច្រើនខ្លាចជួបបញ្ហាដូចលើកមុនទៀត។
អ្វីដែលខ្ញុំឆ្ងល់នោះគឺ ៖
- ខ្ញុំបានភ្ជាប់លេខទូរស័ព្ទជាមួយគណនី Facebook ដើម្បីធ្វើការ Log In ក្នុងសកម្មភាពកុំឲ្យគេលួចលេខសម្ងាត់បាន, ហើយ Facebook បានផ្ញើលេខសំងាត់មកមែន តែលើកក្រោយទៀតអត់ឃើញផ្ញើមកទេ ដូចនេះខ្ញុំមិនអាចប្រើ facebook បានទេ ដោយសារមិនឃើញផ្ញើមកខ្ញុំសោះ ឬមួយទៀតអាចថា ម៉ាស៊ីនមេវារវល់ខ្លាំងមិនអាចផ្ញើមកបានភ្លាមៗទេ បើអញ្ចឹងមែនខ្ញុំអាចសន្មតយ៉ាងខ្លីថា "ចប់"។
- មួយទៀតខ្ញុំបានវាយលេខសម្ងាត់ត្រូវហើយតែបែរជាថាខ្ញុំមិន មែនម្ចាស់គណនីនោះទៅវិញ ដូច្នេះខ្ញុំក៏ដូរលេខសម្ងាត់ថ្មីដោយប្រើ Email ដើម្បីដូរ ព្រោះថា យើងយក Email ទៅបង្កើតគណនី Facebook ដូច្នេះយើងអាចដូរលេខសម្ងាត់ Facebook បានតាមរយៈ Email មួយនោះ។ តែពេលដូរហើយម្ដេចមិនអាចចូលប្រើបានទៀត!។
- ចុងក្រោយខ្ញុំក៏សាក Log ចូលនៅថ្ងៃក្រោយទៀត តែនៅតែគ្មានប្រយោជន៍សោះ ដល់ទៅខ្ញុំសាក់ Log នៅខែក្រោយទៀត នៅតែចូលមិនបាន បើទោះជាខ្ញុំបានដូរលេខសម្ងាត់ថ្មីហើយក៏ដោយនោះ។
ឬម៉្យាងទៀត
ខ្ញុំសង្ស័យថាមានគេ Report គណនី facebook ខ្ញុំក្នុងគោលបំណងឲ្យខាង Facebook បិទមិនឲ្យខ្ញុំប្រើ តែខ្ញុំមិនទៅឈឺក្បាលជាមួយរឿងនេះទេ ព្រោះខ្ញុំមិនសូវត្រូវការ Facebook ដែរ។ ហើយណាមួយវាខ្ជះខ្ជាយពេលវេលាច្រើនណាស់ ទុកពេលស្រាវជ្រាវចំណេះដឹងផ្សេងៗ ឬក៏សរសេរប្លកវិញល្អជាង ការដែលអង្គុយចាំមើលគេ post រូបចម្លែកៗនោះ។សរុបសេចក្ដីមក
ចំពោះខ្ញុំ ខ្ញុំយល់ថា Facebook គួរតែទុកសិទ្ធិឲ្យម្ចាស់ Email ដែលយកទៅបង្កើត គណនី Facebook នោះមានសិទ្ធិចូលប្រើបានវិញ មិនត្រូវរាំងខ្ទប់មិនឲ្យគេប្រើបានវិញនោះទេ ព្រោះគេដឹងលេខសម្ងាត់គណនី Facebook និង គណនី Email ហើយរឿងអីដែលថាមិនឲ្យគេចូលប្រើនោះ តើត្រូវដឹង ឬក៏បញ្ជាក់លេខសម្ងាត់ពីណាមកទៀត! ដើម្បីអះអាងថាជាម្ចាស់ពិតប្រាកដ។ នេះបើសិនជា Facebook មានទីស្នាក់ការនៅស្រុកខ្មែរ ខ្ញុំប្រាកដជាទៅសួរឲ្យដឹងសខ្មៅម្ដង។ ហើយអ្វីដែលខ្ញុំសោកស្ដាយតិចៗនោះគឺ ខ្ញុំមិនអាចចូលប្រើ Facebook បានទេ។ចុះម្ដេចមិនទៅបង្កើតមួយទៀតទៅ?
ខ្ញុំគិតថា បើបង្កើតមួយទៀតក៏គត់តែប្រើមិនកើតក៏ដែលហ្នឹង ណ្ហើយ!!! មិនបាច់ខ្វល់ទេ។ ខ្ញុំនៅចាំបានថា កាល Facebook នៅមិនទាន់មានអ្នកប្រើច្រើនដូចសព្វថ្ងៃនេះ គេបានខំផ្សព្វផ្សាយឲ្យយើងអ្នកប្រើអ៊ីនធឺណិតធម្មតាៗនេះចូលទៅ ប្រើ តែដល់ទៅមានអ្នកប្រើច្រើនហើយ គេបែរជា control អ្នកដែលប្រើប្រាស់ផ្សេងៗ "ដកដូចស្ពៃ" ដកឈប់ឲ្យប្រើដូច "ញេចស្រមោច"៕អត្តបទនេះដកស្រង់ចេញពី ៖ ប្លកអាក្បាលធំ
No comments:
Post a Comment