សូមស្វាគមន៏ចំពោះការមកកាន់ទីនេះ: ដឹកជញ្ជូនអត្ថបទពី Blog ទៅកាន់គណនីនិងទំព័រ Facebook របស់អ្នកដោយស្វ័យប្រវត្ត

លោកអ្នកប្រាកដជាចង់ដាក់ការផ្សាយអត្ថបទពី Blog របស់លោកអ្នកទៅកាន់ Personal ឬ Page Facebook ផ្ទាល់ដោយស្វ័យប្រវត្តហើយមែនទេ? ពិតជាចង់ពីព្រោះធ្វើអោយ ចំណេញពេលវេលា និង កាត់បន្ថយកុំអោយរវល់ជាមួយរឿងកំប៉ិកកំប៉ុកច្រើនពេក។ ដើម្បីអាចអោយមានការដឹងជញ្ជូនដំណឹងពី Blog ចូលទៅក្នុងគណនី Facebook របស់អ្នកបានដោយស្វ័យប្រវត្ត យើងត្រូវពឹងផ្អែកលើសេវាកម្ម Free របស់គេហទំព័រ dlvr.it (You publish. We deliver.) ដែលមានតួនាទីចែកចាយអត្ថបទពី Blog ទៅកាន់បណ្ដាញសង្គមផ្សេងៗដូចជា៖ Twitter, Facebook, Linkedin, Google Buzz ...។ តែខ្ញុំនិយាយតែ Facebook មួយទេ ដូច្នេះប្លកអាក្បាលធំសូមលើកយកពីរបៀបភ្ជាប់ដូចខាងក្រោមនេះ សូមមើលអោយទាន់ ហើយសូមប្រិចភ្នែកផង ប្រយ័ត្នដីចូលភ្នែក៖

- Log in ចូលគណនី Facebook របស់អ្នកអោយរួចរាល់សិនទៅ

- ចូលទៅគេហទំព័រ dlvr.it ដើម្បីធ្វើការចុះឈ្មោះ ដោយចុចប៊ូតុង Don't have an account? សូមមើលរូបខាងក្រោម

-ដាក់ Email និង លេងសំងាត់ថ្មីចែសមួយអោយស្រួលចំណាំ រូចចុចប៊ូតុង sign up សូមមើលរូបខាងក្រោម

- ចូលទៅក្នុង គណនី Email របស់អ្នក
- ចុចបើកមើលសារដែលគេផ្ញើមកពី dlvr.it
- រួចបញ្ជាក់ទទួលស្គាល់ (confirm) សូមមើលរូបខាងក្រោម

- ជំហានទី 1 : ត្រូវដាក់អាសយដ្ឋាន Blog Feed របស់អ្នករួចចុចប៊ូតុង next
- ជំហានទី 2 : ចុចរើសយកបណ្ដាញ Facebook សូមមើលរូបខាងក្រោម

តើ Web feed (Blog/Site) ជាអ្វី? រកបាននៅឯណា?

- ជាប្រព័ន្ធឬមុខងារសម្រាប់ក្ដោបយកដំណឹងនិងបន្ទាន់សម័យមាតិកា របស់ Blog/Site អោយបង្ហាញដោយមិនបាច់ចូលមើល Blog/Site។ អាចបង្ហាញតែចំណងជើងសុទ្ធ ឬ មានរូបមានអត្ថបទខ្លីៗខ្លះ។
- ងាយស្រួលទេបើសិនជា Blog/Site នោះគេបើកអោយមាន Feed តែបើសិនជាគេបិទនោះមានន័យថា មិនអាចប្រើ Feed បានទេ អ្នកជំនាញខាង Web feed (Blog/Site) មានច្រើនតែល្បីតែ 2ទេគឺ៖ RSS និង Atom ។ របៀបរក បើកកម្មវិធី Firefox ចូលទៅកាន់ Blog/Site ណាមួយ បើសិន Blog/Site មានប៊ូតុង Feed ស្រាប់យើងគ្រាន់តែចុចលើវាទៅគឺបានស្រេច សូមមើលរូបខាងក្រោម

- តែបើ Blog/Site ណាមិនបានដាក់ប៊ូតុងអោយចុចមើល Feed សូមចូលតាម Firefox >> Bookmarks >> Subscribe to This Page រួចរើសយកមួយណាដែលពេញចិត្ត Atom ឬ RSS (ក្នុងករណីនេះបើសិនជាមិនមានអោយយើងអាច Subscribe បានទេនោះមកពីម្ចាស់ Blog/Site គេបិទមិនអោយយើង Subscribe បាន ដូចនេះគឺមិនអាចធ្វើទៅរួចទេ អ្វីៗចប់ :D ។ សូមមើលរូបខាងក្រោម

-នោះនឹងចូលដល់ផ្ទាំងសុំការអនុញ្ញាតរបស់ Facebook ចុចប៊ូតុងអនុញ្ញាត (ក្នុងករណីនេះ ទាល់តែអ្នកបាន Log in Facebook រួចមុន ទើបវាចេញលឿនបែបនេះ) សូមមើលរូបខាងក្រោម

- ត្រង់ចំនុច Choose where to post: គឺជាកន្លែងដែលអោយអ្នកជ្រើសរើសទីកន្លែងដែរត្រូវដាក់បង្ហាញប្រកាស ពី Blog អ្នក ឧទាហរណ៍ ខ្ញុំបានបង្កើតទំព័រមួយដែលមានឈ្មោះ ប្លកអាក្បាលធំ និងក្រុមផ្សេងៗ ដែលខ្ញុំមានសិទ្ធជា អភិបាល (មេក្រុម) ដូចនេះវាបង្ហាញជា៖
- ត្រង់ Personal Profile មាន Samnang Nouv : គឺជាឈ្មោះអ្នកប្រើ Facebook

- ត្រង់ Pages មាន ប្លកអាក្បាលធំ : គឺជាទំព័រដែលខ្ញុំបង្កើត (គេបង្កើតទំព័រនេះក្នុង Facebook ដោយចង់ដាក់ផ្សាយ ព័ត៌មាន អត្ថបទ ក្នុង Facebook )

- ត្រង់ Groups មាន CompTALK និង ក្រុមខ្មែរអ្នកប្រើប្រាស់ Windows : ដោយសារគេលើកខ្ញុំអោយធ្វើ អ្នកអភិបាល (Admin) ទើបវាចេញអោយរើស តែបើអ្នកមានចូលក្រុមច្រើនយ៉ាងណាក៏ដោយ តែអ្នកមានសិទ្ធត្រឹមជា សមាជិកក្រុមនៅ Facebook នោះ វាមិនបង្ហាញអោយយើងអាចដាក់អត្ថបទចូលក្នុងក្រុមនៅ Facebook ដោយស្វ័យប្រវត្តទេ។

- រួចរាល់វានឹងបង្ហាញផ្ទាំងថា Welcome to dlvr.it! នេះឡើង សូមមើលរូបខាងក្រោម

- តាមរយៈរូបខាងលើគឺខ្ញុំបានភ្ជាប់ការ Post អត្ថបទពី ប្លកអាក្បាលធំ ចូលទៅក្នុងទំព័រ អាក្បាលធំនៅក្នុង Facebook ដោយស្វ័យប្រវត្ត បានរួចរាល់ហើយ នៅចាំតែមានអត្ថបទថ្មីក្នុង Blog នោះយើងនឹងដឹងអំពីដំណើរការ ដោយស្វ័យប្រវត្ត របស់វាភ្លាម :D ។

ខ្ញុំចង់អោយដាក់អត្ថបទពីប្លកអាក្បាលធំចូលទៅក្នុង Personal Profile របស់ខ្ញុំ (Samnang Nouv) ក្នុង Facebook ថែមទៀត?

បាន បាន បាន :D ដាក់ទៀតដោយចុចលើ ប៊ូតុង Add Route សូមមើលរូបខាងក្រោម

- នោះយើងនឹងបាន Route ថ្មីមួយទៀត
- ត្រង់កន្លែង Sources ត្រូវចុចប៊ូតុង +Add

- មានជំរើស 2 អោយយើងជ្រើសរើស New និង Use existing Feed

ត្រង់ចំនុច New យើងអាចដាក់បញ្ចូលគេហទំព័រផ្សេងៗក៏បាន មិនមែនបានត្រឹមតែ Blog របស់យើងនោះទេ ឧទាហរណ៍ ខ្ញុំចង់ដាក់អត្ថបទពី រៀនដើម្បីខ្មែរ សូមមើលរូបខាងក្រោម