* បែបបទនៃការរស់នៅ៧យ៉ាងដែលនាំឲ្យយើងមានអាយុវែង
ការយកចិត្តទុកដាក់មើលថែសុខភាពជាប្រចាំ
និងការរស់នៅប្រកបដោយសុខុមាលភាពពិតជាអាចជួយឱ្យមនុស្សយើងកើន
អាយុជាង១ទសវត្សបន្ថែមទៀត ប៉ុន្តែតាមលោកបណ្ឌិត Clyde Yancy
បានអះអាងថា
ការផ្លាស់ប្តូរបែបបទនៃការរស់នៅ៧យ៉ាងក៏អាចនាំឱ្យមនុស្សរាប់
ពាន់លាននាក់មានអាយុវែង ។
បណ្ឌិត Yancy មានប្រសាសន៍ថា
ការធ្វើឱ្យខ្លួនមានសកម្មភាពជាប្រចាំ
ការយល់ដឹងពីចំនួនកូឡេស្តេរ៉ូល
ហើយរក្សាវាឱ្យនៅថេរក្នុងកម្រិតធម្មតា ការមិនជក់បារី
ការត្រួតពិនិត្យជំងឺទឹកនោមផ្អែមជាប្រចាំ
រក្សាទម្ងន់ខ្លួនឱ្យនៅធម្មតាគួបផ្សំនឹងរបបអាហារត្រឹមត្រូវ
ការត្រួតពិនិត្យសម្ពាធឈាមនិងការហាត់ប្រាណជាប្រចាំ
គឺជាគន្លឹះសំខាន់៧យ៉ាងដែលអាចធ្វើឱ្យយើងមានអាយុរស់នៅដល់៩០ឬ
១០០ឆ្នាំបាន ។
លោកបណ្ឌិតបានបន្តថា៖«ការសម្រេចបានវិធីសាស្ត្ររស់នៅទាំង៧យ៉ាង
នេះនឹងផ្តល់ឱ្យយើងនូវឱកាសមានជីវិតរស់ដល់អាយុ៩០ឆ្នាំប្រមាណ
ជា៩០%
ដោយមិនត្រឹមតែអាចគេចផុតពីជំងឺបេះដូងនិងជំងឺដាច់សរសៃឈាម
ក្នុងខួរក្បាលប៉ុណ្ណោះទេ
ប៉ុន្តែថែមទាំងគេចផុតពីជំងឺមហារីកបានទៀតផង» ។
លោកបណ្ឌិត Yancy
ដែលជាសាស្ត្រាផ្នែកឱសថសាស្ត្រនៅសាកលវិទ្យាល័យNorthwestern
University Feinberg School of
Medicineសហរដ្ឋអាមេរិកនិងជាអតីតប្រធានសមាគមជំងឺបេះដូងអាមេរិក
បានយកការរកឃើញរបស់ខ្លួននេះទៅធ្វើបទបង្ហាញនៅក្នុងសមាជ
រោគបេះដូង ប្រទេសកាណាដាក្រុងវែនខូវ័រកាលពីពេលថ្មីៗនេះ។
ដោយការអនុវត្តតាមជំហាននាំឱ្យអាយុវែងទាំង
៧ចំណុចរបស់គាត់ លោកបណ្ឌិតបាននិយាយថា ៖
«យើងអាចចងជាប់នូវជំងឺដែលគំរាមកំហែងដល់ជីវិតទៅដល់ដំណាក់កាល
ផ្តាច់ព្រ័ត្រក្នុងជីវិត
និងរក្សាបានគុណភាពនៃជីវិតសម្រាប់ពេលវេលាដ៏យូរអង្វែងតាមដែល
អាច»៕
No comments:
Post a Comment