សូមស្វាគមន៏ចំពោះការមកកាន់ទីនេះ: អំពីទំហំស្តុកឯកសារនិងដែនកំណត់របស់ Blogger

សួស្ដីខ្ញុំថ្ងៃនេះខ្ញុំសូមពន្យល់អោយបានដឹងទាំងអស់គ្នា ជាពិសេសអ្នកដែលកំពុងប្រើសេវាកម្មឥតគិតថ្លៃរបស់ Google គឺ Blogger។ ដោយហេតុថា Blogger ជាសេវាកម្មបង្កើតប្លក (កំណត់ហេតុបណ្ដាញ) ដោយមិនគិតលុយ ដូច្នេះប្រាកដជាមានដែនកំណត់ជាមិនខាន។ ចុះតើវាមានដែនកំណត់អ្វីខ្លះ? តើយើងអាចដាក់ឯកសារបានប៉ុន្មាន Mb? ដាក់បានឯកសារអ្វីខ្លះ?

អំពីដែនកំណត់ទំហំផ្ទុកឯកសារ Blogspot ឬ Picasa Web Albums៖

នៅពេលដែលលោកអ្នកចុះឈ្មោះប្រើ blogger នោះលោកអ្នកប្រាកដជាឆ្ងល់ថា តើ Blogger អាចអោយយើងដាក់ឯកសារបានទំហំប៉ុន្មានដែរ (Mb)? ហើយជាប្រភេទឯកសារអ្វីខ្លះ?

ចម្លើយគឺ ៖ Blogger អាចអោយអ្នកប្រើអាចស្តុកទុកឯកសារសម្រាប់ប្រើជាមួយអត្ថបទ បានទំហំ 1024MB (ស្មើទំហំ 1GB) ហើយឯកសារដែលអាចស្តុកទុកបាននោះគឺជាប្រភេទ JPG, PNG និង GIF ។ ដំណើរការរបស់វាគឺ៖ នៅពេលដែលលោកអ្នកបង្កើត Blogger ដំបូងនោះ Google និងបង្កើតឃ្លាំងស្តុកឯកសាររូបភាពនៅ Picasa Web Albums ដោយស្វ័យប្រវត្ត ដែលមានទំហំមួយ 1GB សម្រាប់ប្រើធ្វើជាឃ្លាំងស្តុកឯកសាររបស់ Blogger ។ ដូចនេះដើម្បីលុប កែឯកសាររូបភាព លោកអ្នកត្រូវចូលទៅកែ ឬលុប នៅ Picasa Web Albums ព្រោះ blogspot មិនមានមុខងារអោយលុបឬកែបានទេ។ ដើម្បីដឹងទំហំនៅសល់របស់ Blogger អ្នកត្រូវចូលទៅមើលនៅ Picasa Web Albums ដែលមានអាសយដ្ឋាន https://picasaweb.google.com/home ។

ចំណុចពិសេសរបស់ឃ្លាំងផ្ទុកឯកសារ Blogspot ឬ Picasa

Google បានដាក់លក្ខខណ្ឌថា បើលោកអ្នក Upload រូបភាពដែលមានទំហំខ្នាត បណ្ដោយនិងទទឹងត្រឹម 800 pixels ឬក៏តូចជាងនេះ Google នឹងមិនរាល់ចំនួនផ្ទុកឯកសារទេ មានន័យថា ការ Upload និងរក្សាទុកគឺគ្មានដែនកំណត់ (Unlimited)។

ទំហំខ្នាតបណ្ដោយនិងទទឹងត្រឹម 800 pixels គឺជាទំហំល្អក្នុងការចែករំលែករូបភាពក្នុង internet ជាពិសេស សម្រាប់អត្ថបទប្លក។ ប៉ុន្តែបើលោកអ្នកចង់ Upload រូបភាពដែលមានទំហំធំជាង 800-pixels (សម្រាប់ទុកបោះពុម្ព) នោះអ្នកនឹងត្រូវរាប់ទំហំផ្ទុកឯកសារដែល Google កំណត់ត្រឹម 1GB។ តែអ្នកអាចទិញទំហំផ្ទុកបន្ថែមបាន។

ខាងក្រោមនេះគឺជាព័ត៌មានខ្លះៗអំពីដែនកំណត់ ដែលអ្នកត្រូវដឹង។ ហើយព័ត៌មាននេះនឹងអាចប្រែប្រួលនៅពេលអនាគត៖

ដែនកំណត់គណនី (Account limits)៖

មួយអ៊ីមែល Google អាចបង្កើត Blogger បាន 100 គណនី។
ព័ត៌មានប្រវត្តិសង្ខេប (About Me) សរសេរបាន 1,200 តួអក្សរ។
ព័ត៌មានប្រវត្តិសង្ខេប ចំណាប់អារម្មណ៍ សរសេរបាន 2,000 តួអក្សរ។
អ្នកអាចតាមដានប្លកដទៃបានត្រឹម 300 ប្លក ក្នុងមួយគណនី។

ខ្នាតរូបភាព (dimension)

រូបភាពដែលត្រូវ Upload ចូល post editor ខ្នាតធំបំផុតបណ្ដោយនិងទទឹង 1600px ព្រោះបើអ្នក Upload រូបធំជាងនេះ Blogspot នឹងបង្រួញខ្នាតអោយនៅត្រឹម 1600px វិញដដែល។ រូបភាពធំបំផុត 8MB។
រូបភាពផ្ទៃខាងក្រោយ (background) Upload ចូលទៅ Template Designer > Background page មិនកំណត់។ រូបភាពធំបំផុត 300KB បើប្រើតាមទូរស័ព្ទត្រឹម 250KB។

ដែនកំណត់ប្លក៖

ចំណងជើងប្លក (blog Title) : សរសេរបានត្រឹម 90 តួអក្សរ។
ឈ្មោះតំបន់បណ្ដាញរង (Subdomain name) : សរសេរបានត្រឹម 37 តួអក្សរ។ ឧទាហរណ៍: http://SUBDOMAIN.blogspot.com។
ពិពណ៌នាអំពីប្លក (description) : សរសេរបានត្រឹម 500 តួអក្សរ។
ចំនួនសមាជិក/អ្នកនិពន្ធ (members/authors) : អញ្ជើញបាន 100 នាក់ក្នុងមួយប្លក។
បើប្លកអ្នកដាក់ជា Private blog : អាចអោយអ្នកអានបានត្រឹម 100 នាក់។
ចំនួនអត្ថបទ (Posts) : គ្មានកំណត់។
ទំព័រមុខ (Home page) : Blogger និងបង្ហាញចំនួនអត្ថបទ 1MB ក្នុងមួយទំព័រមុខ ហើយដាក់អត្ថបទបន្តបន្ទាប់នៅសន្លឹកបន្ទាប់ទៀត។ ល្អណាស់ដើម្បីកុំអោយទំព័រមុខបង្ហាញអត្ថបទច្រើនជ្រុលពេក។
ទំព័រ (គឺ Pageមិនមែន Post) : បង្កើតបាន 20 ទំព័រក្នុងមួយប្លក។
ស្លាក (Labels) : ដាក់បាន 500 ស្លាក។ ស្លាករបស់ Blogger ប្រៀបដូចជំពូករបស់ប្លក។

ដែនកំណត់អត្ថបទ៖

អត្ថបទ : សរសេរមិនកំណត់ប្រវែងអត្ថបទ។
ចំនួនស្លាក : អត្ថបទមួយអាចដាក់ស្លាកបាន 20 ស្លាក។
ដាក់មតិ : មិនកំណត់ចំនួន។
ចំណង់ជើងអត្ថបទ : 39 តួអក្សរ (ចាប់យកដោយស្វ័យប្រវត្តិបើអ្នកមិនបានដាក់)។

ដែនកំណត់ផ្សេងៗទៀត៖

ប្រវែងស្លាក (Label length) : សរសេរបាន 200 តួអក្សរក្នុងមួយស្លាក។
ប្រវែងមតិ (Comment Length): សរសេរបាន 4,096 តួអក្សរក្នុងមួយមតិ។

សង្ខេប៖ សរុបមកថ្វីត្បិតតែ Blogger អោយអ្នកប្រើស្តុកឯកសាររូបភាពត្រឹម 1024MB (1GB) ក៏ពិតមែន តែបើលោកអ្នក Upload រូបភាពមិនលើស 800px វាស្មើនឹងគ្មានដែនកំណត់ នោះលោកអ្នកនឹងលែងខ្វល់អំពីទំហំស្តុកទុកឯកសារសម្រាប់ប្រើជាមួយ អត្ថបទទៀតហើយ។ រីឯ Wordpress អោយទំហំ 3GB ក៏ពិតមែន តែគិតអោយតែ Upload ចូលគឺគិតទាំងអស់។ តើរវាង Blogger និង Wordpress អ្នកណាល្អជាង? ស្រេចតែចិត្តលោកអ្នកទេ៕

យល់ដឹងបន្ថែមអំពីឯកសារ JPG, PNG និង GIF៖

JPG ឬ JPEG គឺជាឯកសាររូបភាពដែលគេប្រើជាទូទៅ អភិវឌ្ឍន៍ដោយ Joint Photographic Experts Group គាំទ្រពណ៌ដល់ 24-bit ដែលជាទូទៅយើងប្រើ 8-bit , ឧបករណ៍កាមេរ៉ាទាំងឡាយតែងប្រើដោយជ្រើសយកធ្វើជាឯកសាររូបលំនាំដើម។ មានតាំងពីគុណភាពអន់រហូតដល់ល្អបំផុត ដែលអាចអោយអ្នកប្រើកំណត់បាន។

PNG (Portable Network Graphic) គឺជាឯកសាររូបភាពដែលគេប្រើវា ដោយចង់បានគុណភាពល្អ និងមិនចាំបាច់ត្រូវការកំណត់គុណភាពអ្វីទេ (lossless compression ) សារៈសំខាន់ក្នុងការប្រើឯកសារ PNG នោះគឺវាមានគ្រាប់ពណ៌ថ្លា (transparent pixels ) ដែលធ្វើអោយរូបភាពឆ្លុះទៅផ្ទៃខាងក្រោយ ដែលយើងតែងតែហៅថារូបគ្មាន Background ។ គេបង្កើត PNG ដើម្បីទទួលរូបភាពគ្មានផ្ទៃពីក្រោយដែលមានគុណភាពខ្ពស់ និងជំនួសការប្រើឯកសាររូប GIF ដែលមិនអាចទ្រទ្រង់គុណភាព។ ឧទាហរណ៍ ខ្ញុំបានកាត់រូបភាពក្នុងកម្មវិធី Adobe Photoshop ដូចនេះខ្ញុំត្រូវរក្សារូបណាមួយដែលខ្ញុំបានកាត់ផ្ទៃ Background ចេញនោះជាឯកសារ PNG បើខ្ញុំរក្សាវាទុកជា JPG នៅរូបភាពនិងមានផ្ទៃ Background ពណ៌សជាមិនខាន។ តែ PNG មិនស្គាល់ CMYK។

GIF (Graphical Interchange Format ) គឺជាឯកសាររូបភាពដែលមាន ពណ៌ត្រឹម 256 indexed ដូចនេះវាមានទំហំតូចតែពណ៌បង្ហាញមិនស្អាតជាពិសេសពណ៌លាយគ្នា (Gradient)។ ចំណុចសំខាន់របស់ GIF គឺយើងអាចដាក់សន្លឹករូបជាច្រើនក្នុងឯកសារ GIF តែមួយដែលជាហេតុធ្វើអោយ GIF មានចលនា ដែលគេតែងតែហៅថា រូបភាពមានចលនា តែវាមិនមែនជា Video ទេ។ រូបភាពជាច្រើនត្រូវបានដាក់ចូល និងកំណត់ល្បឿនបង្ហាញពីមួយទៅមួយ ដូចនេះគេអាចបានឯកសាររូបភាពមួយដែលមានរូបជាច្រើននៅក្នុងនោះ ដែលគេច្នៃធ្វើជារូបភាព Slide , រូបផ្សាយពាណិជ្ជកម្ម។ មកដល់ពេលនេះមានកម្មវិធីដែលអាចបម្លែងឯកសារវីដេអូ ទៅជា GIF តែគេគួរតែធ្វើវាត្រឹមរយៈពេលបួនដប់វិនាទីបានហើយ ព្រោះវាធ្វើអោយទំហំរូប GIF មានទំហំធំដោយសារតែវាមានសន្លឹករូបច្រើនពេក។ GIF ក៏អាចមានត្រឹម មួយសន្លឹកក្នុងមួយឯកសារបានដែល ដែលគេពេញនិយមសម្រាប់ធ្វើជារូប screenshots ព្រោះវាមានទំហំតូច។

កម្មវិធីដែលសម្រាប់កែសម្រួល JPG, PNG និង GIF មានដូចជា៖

- Microsoft Paint មានស្រាប់ ងាយស្រួលប្រើ តែមានមុខងារតិច។
- Microsoft Office Picture Manager មានមកជាមួយ Microsoft Office ងាយប្រើ និងរហ័ស។
- Adobe Photoshop ត្រូវរៀនប្រើទើបយល់អាចប្រើបាន សំខាន់សម្រាប់អ្នករចនាគេហទំព័រ។
- FastStone Image Viewer កម្មវិធីគ្រប់គ្រងរូបភាពនិងមានមុខងារកែរូប បម្លែងរូប។

អត្តបទនេះដកស្រង់ចេញពី ៖ ប្លកអាក្បាលធំ

Pages

Monday, September 30, 2013

អំពីទំហំស្តុកឯកសារនិងដែនកំណត់របស់ Blogger

អំពីដែនកំណត់ទំហំផ្ទុកឯកសារ Blogspot ឬ Picasa Web Albums៖