ជាទូទៅ វិធីសម្រាលកូនដោយការវះកាត់ត្រូវបានបែងចែកជា២របៀប គឺ ៖ វះកាត់បន្ទាន់ និងវះកាត់ដោយការដាក់កម្មវិធី ។
នៅពេលណាទើបគេអនុវត្តធ្វើការវះកាត់យកទារកចេញពីផ្ទៃម្ដាយ ?
- នៅពេលអាងត្រគាកម្ដាយតូចចង្អៀត
- ម្ដាយទទួលគ្រោះថ្នាក់ដោយបាក់ឆ្អឹងលើអាងត្រគាក ។
- រយៈពេលនៃការឈឺពោះសម្រាលកូនមានរយៈពេលយូរនឹងឈឺខ្លាំងដែលមិនអាចទ្រាំបាន។
- ម្ដាយមានជំងឺប្រចាំកាយដូចជា ជំងឺខ្សោយបេះដូង ជំងឺផ្លូវដង្ហើម និងជំងឺខ្សោយក្រលៀនធ្ងន់ ។
- ស្បូនខ្សោយ
- សុកពាំងជិតមាត់ស្បូន
- មានដុះដុំពកនៅផ្នែកខាងក្រោមស្បូន
-ស្បូនមានរូបរាងខុសធម្មតា
- ទារកមានសុខភាពខ្សោយខ្លាំង
-ស្រុតធ្លាក់ទងសុកមកក្រៅទ្វារមាស
- ចង្វាក់បេះដូងកូនប្រែប្រួលខុសធម្មតា
- ទម្រង់កូនមិនធម្មតាដូចជា កូននៅទទឹងពោះ កូនហុចដៃមកមុន ហុចគូទមកមុន កូនមានទំហំធំពេកជាទូទៅលើសពី៤គីឡូក្រាម
- កូនមានទំហំក្បាលធំ… ។
ការសម្រាលកូនដោយវះកាត់មានអត្ថប្រយោជន៍យ៉ាងណាខ្លះ ?
ជួយស្រោចស្រង់ជីវិតម្ដាយនិងកូន ។
- បន្ថយការឈឺចាប់របស់ម្ដាយនៅពេលឈឺពោះសម្រាល ។
- ផុតព្រួយបារម្ភពីការខូចខាតឬដាច់រហែកទ្វារមាស ។
- ទទួលបានកូនមួយដែលមិនមានការប៉ះទង្គិចអ្វីទាំងអស់ ។
- ចៀសផុតពីគ្រោះថ្នាក់ទាំងឡាយកើតឡើងពីការសម្រាល ។
លោកវេជ្ជបណ្ឌិតអ៊ូច ឌីណា បានបន្តថា ចំពោះផលវិបាកមានដូចជា ៖
១ -ចំពោះម្ដាយ
- អាចមានការឈឺចាប់នៅក្រោយពេលវះកាត់នៅលើមុខរបួស ។
- ធ្វើឱ្យមានវិបត្តិលើផ្លូវរំលាយអាហារដូចជា មិនដើរខ្យល់មួយរយៈ ហើមពោះ ឈឺក្នុងពោះ ទល់លាមកជាដើម ។
- ម្ដាយមានការខ្សោយកម្លាំងខ្លាំងជាងការសម្រាលដោយធម្មជាតិ ។
- ខាតបង់ចំណុះឈាមច្រើនជាងសម្រាល ធម្មតា ។
- អាចនឹងមានដុំឈាមកកនៅក្នុងពោះ ។
- មានការក្លាយរោគ(Intection )លើស្នាមរបួសក្នុងពោះបណ្ដាលមកពីជំងឺអាប់សែឬរលាកស្រោម ពោះស្រួចស្រាវ អាចបណ្ដាលឱ្យកើតលើផ្លូវមូត្រ ។
- ស្ទះសរសៃឈាមលើផ្លូវដង្ហើម
- ធ្វើឱ្យស្បូនមានស្នាមរបួស ។
-អាចបង្កឱ្យកើតជំងឺអារ(Infertilite )។
- បង្កើនគ្រោះថ្នាក់ទៅលើគភ៌លើកក្រោយដូចជា កូនស្លាប់ក្នុងពោះ ធ្លាក់ឈាមតាមទ្វារមាសធ្វើឱ្យទងសុកទៅលើភ្នាសស្បូនមិន ធម្មតា
(Placenta Proevia )។
- អាចត្រូវវះកាត់នៅពេលមានគភ៌បន្ទាប់ ។
២- ចំពោះទារក
ការ សម្រាលដោយវះកាត់ជាទូទៅទារកកើតមកដោយគ្មានប៉ះពាល់អ្វីទាំ ងអស់ ប៉ុន្តែមានករណីខ្លះដែលគេសង្កេតឃើញគឺអាចមានបញ្ហាលើផ្លូវ ដង្ហើមដោយសារសួតមានសំណើមធ្វើឱ្យការដកដង្ហើមពិបាក ករណីនេះអាចធូរស្រាលវិញក្នុងរយៈពេលខ្លី ។
អ្នកត្រូវ ចងចាំថា ចំពោះមាតាដែលដឹងខ្លួនថានឹងត្រូវទទួលការវះកាត់នៅពេលសម្រាល កូនតែបានទទួលនូវការបំប៉នឱ្យបានល្អដើម្បីចៀសវាងនូវជំងឺ មួយចំនួន ។ ក្រោយពេលវះកាត់អ្នកជំងឺគប្បីតាំងចិត្តឱ្យរឹងមាំចៀសវាង ការស្ពឹកស្រពន់ (ថ្នមខ្លួន) ដើម្បីធ្វើឱ្យមានសុខុមាលភាពក្នុងរយៈពេលឆាប់ខាងមុខ ។ ភ្លាមៗត្រូវសម្រាកឱ្យបានស្ងៀម ហាមងើបអង្គុយរយៈពេល២៤ម៉ោង ។ សម្រាកនៅលើគ្រែដោយសណ្ដូកជើង ចំណែកចំណីអាហារត្រូវទទួលទានឱ្យបានគ្រប់គ្រាន់ដូចជា សាច់ ត្រី បន្លែ ផ្លែឈើ ជំរុញឱ្យដំណើរការរបស់ពោះវៀនមានចលនាបានល្អ ។ ជាពិសេសត្រូវលេបថ្នាំមានជាតិដែកនិងកាល់ស្យូម ញ៉ាំទឹកឱ្យបានច្រើនដើម្បីឱ្យមានទឹកដោះ គ្រប់គ្រាន់ ។ ត្រូវបំបៅដោះកូនដោយអង្គុយឱ្យបានត្រឹមត្រូវចៀសវាងការដេក បំបៅ ។ ត្រូវតមរួមរ័កក្នុងរយៈពេល៦សប្ដាហ៍យ៉ាងតិច ហើយអាចធ្វើកីឡាបន្តិចបន្តួចក្រោយ៨សប្ដាហ៍ ៕
ប្រភព ៖ កាសែតកោះសន្តិភាព
No comments:
Post a Comment