Friday, September 13, 2013

*ដំណេកស្កប់ស្កល់ជួយឱ្យខួរក្បាលមានសុខភាពល្អ

យោងតាមការសិក្សាស្រាវជ្រាវដែលធ្វើឡើងដោយអ្នក វិទ្យាសាស្ត្រសាកលវិទ្យាល័យ University Of Wisconsinសហរដ្ឋអាមេរិកបានបង្ហាញថា ដំណេកលក់ស្កប់ស្កល់ជួយឱ្យខួរក្បាលមានសុខភាពល្អដោយបង្កើនផលិត កម្មកោសិកាទ្រទ្រង់ខួរក្បាលដែលមានឈ្មោះថា Myelin ។ Myelinមានតួនាទីយ៉ាងសំខាន់បំផុតជំរុញឱ្យប្រព័ន្ធសរសៃប្រ សាទបំពេញមុខងាររបស់ខ្លួនបានត្រឹមត្រូវ។

ការរកឃើញនៅពេលនេះ គឺជាការបង្ហាញផ្លូវក៏ដូចជាផ្តល់ការយល់ដឹងថ្មីមួយដល់អ្នក វិទ្យាសាស្ត្រអំពីជំងឺ multiple sclerosis(ជាជំងឺដែលប្រព័ន្ធសរសៃប្រសាទទាំងមូលរងការបំផ្លាញ បន្តិចម្តងៗ ធ្វើឱ្យអ្នកជំងឺនិយាយមិនចេញ មើលមិនឃើញនិងកម្រើកខ្លួនលែងបាន)ដែលជាជើងឯកខាងបំផ្លាញកោសិកា Myelin ។

លោកស្រីវេជ្ជបណ្ឌិត Chiara Cirelliអ្នកដឹកនាំការសិក្សាស្រាវជ្រាវបានលើកឡើងថា ការទទួលទានដំណេកមិនគ្រប់គ្រាន់ អាចធ្វើឱ្យអាការៈរោគជំងឺ multiple sclerosisកាន់តែដុនដាប ។ លោកស្រីបានបន្តថា ការសិក្សាពិសោធន៍នាពេលអនាគតអាចនឹងពិនិត្យមើល ថាតើដំណេកនិងវត្តមានជំងឺ multiple sclerosisមានការជាប់ពាក់ព័ន្ធគ្នាដែរឬយ៉ាងណា ។ វេជ្ជបណ្ឌិតរូបនេះបានបន្ថែមថា ៖«អស់ពេលជាយូរមកហើយ ក្រុមអ្នកស្រាវជ្រាវពីដំណេក ផ្តោតសំខាន់ទៅលើតែវិធីដែលសកម្មភាពកោសិកាសរសៃប្រសាទផ្លាស់ ប្តូរនៅពេលសត្វកណ្តុរភ្ញាក់ ពោលគឺមិនមែននៅពេលដែលសត្វកណ្តុរដេកលក់នោះទេ ។ នៅពេលនេះ វាច្បាស់ហើយដែលថា បណ្តាកោសិកាទ្រទ្រង់ដំណើរប្រតិបត្តិការប្រព័ន្ធសរសៃប្រសាទ មានការប្រែប្រួលគួរឱ្យកត់សម្គាល់គឺអាស្រ័យទៅលើ ថាតើ សត្វកណ្តុរយកមកពិសោធនោះដេកលក់ឬភ្ញាក់ »។

ឮដោយឡែក យោងតាមវេជ្ជបណ្ឌិត Timothy Morgenthaler មកពីមជ្ឈមណ្ឌលស្រាវជ្រាវវេជ្ជសាស្រ្ត Mayo Clinicរដ្ឋមេនីសូតា សហរដ្ឋអាមេរិបានឱ្យដឹងថា រយៈពេលដំណេកអាចអាស្រ័យលើកត្តាផ្សេងៗ ជាពិសេសគឺកត្តាអាយុ ។ មនុស្សធំពេញវ័យឡើងទៅគួរដេកឱ្យបានពី៧ម៉ោងទៅ៨ម៉ោងក្នុងមួយ យប់ខណៈក្មេងតូចអាយុអាចចូលរៀនបានត្រូវការដេកចាប់ពី ៩ទៅ១១ម៉ោងក្នុងមួយយប់ ៕