សូមស្វាគមន៏ចំពោះការមកកាន់ទីនេះ: ស្គាល់គ្នា១ថ្ងៃ នាំទៅរួមរ័ក១យប់៣ដង ត្រូវខាងស្រីប្តឹងប៉ូលិសចាប់

Thursday, October 17, 2013

ស្គាល់គ្នា១ថ្ងៃ នាំទៅរួមរ័ក១យប់៣ដង ត្រូវខាងស្រីប្តឹងប៉ូលិសចាប់

រាជធានីភ្នំពេញ ៖ យុវជនម្នាក់ត្រូវសមត្ថកិច្ចឃាត់ខ្លួនកាលពីថ្ងៃទី១៧ តុលា ២០១៣ ស្ថិតនៅចំណុចភូមិផ្សារលិច សង្កាត់ព្រែកព្នៅ ខណ្ឌពោធិ៍សែនជ័យ ដោយជាប់ចោទពីបទនាំក្មេងស្រីជាអនីតិជនទៅរួមរ័កនៅផ្ទះរបស់ ខ្លួន១យប់ចំនួន៣ដង ក្រោយពីស្គាល់នាងបានតែមួយថ្ងៃប៉ុណ្ណោះ ខណៈពេលទៅលេងកន្លែងកម្សាន្តនៅសួនទឹកមួយនៅតំបន់ព្រែកឯង ។ ការឃាត់ខ្លួននេះ បន្ទាប់ពីទទួលពាក្យបណ្តឹងរបស់ម្តាយរបស់ក្មេងស្រីរងគ្រោះ ។

តាមប្រភពបានឱ្យដឹងថា ជនសង្ស័យឈ្មោះប៉ិច ភារ៉ា អាយុ១៦ឆ្នាំ មានទីលំនៅផ្ទះជួលក្នុងភូមិផ្សារលិច សង្កាត់ព្រែកព្នៅ ខណ្ឌពោធិ៍សែនជ័យ និងមានស្រុកកំណើតនៅខេត្តកណ្តាល ។ ចំណែកក្មេងស្រីរងគ្រោះមានអាយុ១៣ឆ្នាំ ជាសិស្ស រស់នៅក្នុងសង្កាត់ជ្រោយចង្វា ខណ្ឌប្ញស្សីកែវ ។

ប្រភពបានបន្តទៀតថា កាលពីថ្ងៃទី៣ តុលា កន្លងមក ក្មេងស្រីរងគ្រោះរួមនិងមិត្តភក្តិជាច្រើននាក់បាននាំគ្នាជួល រ៉ឺម៉កកង់បីទៅដើរលេងនៅសួនព្រែកឯង ជាមួយគ្នានោះ មិត្តភក្តិក្មេងស្រីនោះ បានបបួលជនសង្ស័យទៅលេងជាមួយគ្នាផងដែរ ។ បន្ទាប់ពីដើរលេងរហូតដល់រសៀល ពួកគេក៏ត្រឡប់មកផ្ទះវិញ តែចៃដន្យក៏ស្ទះចរាចរណ៍នៅខាងកើតស្ពានអាកាសក្បាលថ្នល់ ក្មេងស្រីរងគ្រោះក៏បានចុះពីលើរ៉ឺម៉ក មកជិះម៉ូតូជាមួយជនសង្ស័យក្នុងបំណងទៅផ្ទះ ។ ប៉ុន្តែជនកំហូចនោះ មិនបានឌុបនាងទៅផ្ទះទេ ដោយឌុបនាងទៅផ្ទះរបស់ខ្លួនវិញ។ ពេលទៅដល់ផ្ទះខ្លួន ជនសង្ស័យបានហៅមិត្តភក្តិ២-៣នាក់ទៀតមកផឹកស្រា និងបានបញ្ច្រកស្រាក្មេងស្រីរងគ្រោះរហូតដល់ស្រវឹង និងបានចាប់រំលោភនាងបានសម្រេចចំនួន៣ដងតែម្តង ។

ជនសង្ស័យបានសារភាពនៅមុខសមត្ថិច្ចថា ខ្លួនពិតជាបានប្រព្រឹត្តដូចក្រុមគ្រួសារក្មេងស្រីចោទប្រកាន់មែន ។