សូមស្វាគមន៏ចំពោះការមកកាន់ទីនេះ: ស្រវឹងស្រាចុះអូសត្រីក្រោមស្ពានទឹកកួចលង់ សំណាងល្អនគរបាលជួយទាន់

Tuesday, October 15, 2013

ស្រវឹងស្រាចុះអូសត្រីក្រោមស្ពានទឹកកួចលង់ សំណាងល្អនគរបាលជួយទាន់

ខេត្តស្វាយរៀង ៖ បុរសម្នាក់ស្រវឹងស្រាជោកបបួលប្អូនប្រុសទៅអូសត្រីនៅក្រោមស្ពាន តាហោបណ្តាលឱ្យទឹកកួចចូលទៅកន្លែងជ្រៅលង់ទឹក តែសំណាងល្អមិនស្លាប់ដោយសារអ្នកធ្វើដំណើរតាមផ្លូវឃើញនាំគ្នា ស្រែកឆោឡោ និងខ្លះទូរស័ព្ទហៅនគរបាលប៉ុស្តិ៍រដ្ឋបាលសង្កាត់ស្វាយរៀងចុះ អន្តរាគមន៍ជួយស្រង់ពីទឹកទន្លេវ៉ៃគោបានទាន់ពេល។

ហេតុការណ៍នេះបានកើតឡើងកាលពីវេលាម៉ោង២រសៀល ថ្ងៃទី១៤ តុលា ២០១៣ នៅក្រោមស្ពានតាហោ ក្នុងទន្លេវ៉ៃគោ ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង។

ជនរងគ្រោះឈ្មោះងិន រ័ត្នសុភា ភេទប្រុស អាយុ២៦ឆ្នាំ ជាអ្នកធ្វើស្រែ មានទីលំនៅភូមិស្រះវង្ស សង្កាត់ស្វាយរៀង ក្រុងស្វាយរៀង។