ដាក់ធាតុ​ក្រាហ្វិក​​បង្ហាញ​រូប​អ្នក​ចុច​តាមដាន​ប្លក​តាម​រយៈ Google+ followers

ធាតុ​ក្រាហ្វិក Google+ Followers

   លោកអ្នក​ដែល​​ជា​អ្នក​ប្រើប្រាស់ Blogger ឬ​អ្នក​ដែល​មាន​ប្លក​ផ្ទាល់​ខ្លួន ធ្លាប់​បាន​ដឹង​និង​ស្គាល់​រួច​មក​ហើយ​អំពី​ការ​ការ​ដាក់ "អ្នក​ចុច​ Like ប្លក​របស់​យើង​ដោយ​ប្រើ Facebook Like Box" ដែល​ជា​ប្រអប់​ចុច​ចូល​ចិត្ត​ពេញ​និយម​ខ្លាំង​ជាង​គេ ដោយសារ​តែ​វា​អាច​បង្ហាញ​រូប​អ្នក​ចុច​ចូល​ចិត្ត​បាន​ទៅ​តាម​ទីធ្លា​ដែល​ របស់​ប្លក។ ប្លក​អាក្បាលធំធ្លាប់​បាន​បង្ហាញ​ជូន​ពី​របៀប​ដាក់ Facebook Like Box ចំនួន​ 2 របៀប​រួច​មក​ហើយ​គឺ៖

• ដាក់​ Facebook Like Box ជា​លក្ខណៈ​លឹប/លៀន​​នៅ​ចំហៀង​ប្លក (PopOut)
• របៀប​ដាក់ Facebook Like Box សម្រាប់ Blogspot

   នៅ​ក្នុង​គន្លឹះ​នេះ ខ្ញុំ​នឹង​បង្ហាញ​អំពី​របៀប​ដាក់​បង្ហាញ​រូប​អ្នក​ចុច​តាមដាន​តាម​រយៈ Google Plus (G+) វិញ​ម្តង ដោយ​កាលពី​មុន Google+ មិន​ទាន់​បាន​អនុញ្ញាតិ​ឲ្យ​មាន​លក្ខណៈ​បែបនេះ​ទេ ខណៈ Facebook មាន​តាំង​ពី​យូរ​ហើយ។ Google+ គឺ​ជា​បណ្ដាញ​សង្គម​ដែល​ Google បង្កើត​ឡើង​ដើម្បី​ផ្សារភ្ជាប់​សេវាកម្ម​របស់ Google ទាំង​ឡាយ​ដូចជា YouTube, ប្រព័ន្ធ​ផ្ញើ​ដំណឹង​ជាដើម យល់​ដឹង​បន្ថែម​អំពី G+។ ​បើ​ចង់​ដាក់​សូម​មើល​ពី​របៀប​ខាងក្រោម​នេះ៖

៙ របៀប​ដាក់​ធាតុ​ក្រាហ្វិក Google+ Followers ៖

- តំរូវការ​ដែល​សំខាន់​បំផុត​នោះ​គឺ លោកអ្នក​ត្រូវ​ចូល​ទៅ​បើក​ប្រើ​សេវាកម្ម Google Plus (G+) ឲ្យ​រួចរាល់​ជាមុន​សិន បើ​មិន​ទាន់​បាន​ប្រើ https://plus.google.com/ ។ 
- កត់ត្រា​ចូល (Log In) គណនី Blogger របស់​លោកអ្នក។
- ចូល​ទៅ Layout >> ចុច Add s Gadget ។

-  ត្រង់​តាប Basics នោះ​លោកអ្នក​នឹង​បាន​ឃើញ​ធាតុ​ក្រាហ្វិក Google+ Followers សូម​ចុច​លើ​វា។

- ផ្ទាំង​កំណត់ Google+ Followers បាន​បង្ហាញ​ឡើង ត្រង់​កន្លែង Title អ្នក​អាច​ដាក់​ជា​ពាក្យ​ផ្សេង​បាន ឧទាហរណ៍ : "តាមដាន​តាម​រយៈ G+" ជាដើម។
- រួច​ចុច​ឆ្នុច Save ដើម្បី​ទទួល​យក។

- បន្ទាប់​ពី​ចុច​កំណត់​ធាតុ​ក្រាហ្វិក Google+ Followers រួច​ហើយ សូម​លោក​អ្នក​ចាប់​ទាញ​ យក​ទៅ​ដាក់​ត្រង់​កន្លែង​សមគួរ​ក្នុង​ផ្នែក​ Layout របស់​ប្លក​លោកអ្នក​ជា​ការ​ស្រេច។
- សាក​បើ​ប្លក​របស់​លោកអ្នក​មើល​ថា​តើ Google+ Followers ល្អដូច​​ការ​ដាក់ Facebook Like Box ដែរ​ឬ​ទេ? :D។

លទ្ធផល​និង​រូបរាង​ធាតុ​ក្រាហ្វិក Google+ Followers

ធាតុ​ក្រាហ្វិក Google+ Followers

    ការ​ដាក់​ធាតុ​ក្រាហ្វិក Google+ Followers គឺ​ជា​អ្វី​ដែល​ខ្ញុំ​ក៏​ដូចជា​អ្នក​ប្រើប្រាស់ Blogger ទាំងអស់​ចង់​បាន​យូរហើយ :) ឥឡូវ​នេះ​បាន​មក​ដល់​មែន។ នាំ​គ្នា​ដាក់​​ទាំងអស់​គ្នា​ទៅ​ ដើម្បី​មាន​អ្នក​ចុច​គាំទ្រ​ម្ចាស់​ប្លក។ ជួប​គ្នា​លើក​ក្រោយ​ទៀត​ជាមួយ​គន្លឹះ​ប្លក​ល្អ​ជាមួយ​ប្លក​អាក្បាលធំ៕




អត្ថបទនេះដកស្រង់ពី៖ ប្លក់អាក្បាលធំ