ក្រុមអ្នកស្រាវជ្រាវបានអះអាងថា រាងកាយគ្មានសកម្មភាពអាចនាំឱ្យខាតអាយុពី៣ទៅ៥ឆ្នាំ និងបង្កើនឱកាសកើតជំងឺមហារីក ជំងឺបេះដូងឬជំងឺដាច់សរសៃឈាមក្នុងខួរក្បាលដល់២៥ទៅ៥០ភាគរយ ។ បច្ចុប្បន្ន មនុស្សស្ទើរគ្រប់គ្នាបានងាកមកចាប់យកការធ្វើសកម្មភាពរាងកាយ តាមរយៈការដើរ ហើយបើយោងតាមរបាយការណ៍ខាងលើគឺមានមនុស្សតែ៤ភាគរយប៉ុណ្ណោះ ដែលមិនអាចដើរបាន និងត្រូវការជំនួយចាំបាច់ ។
វេជ្ជ បណ្ឌិត Williams Bird ស្ថាបនិកមូលនិធិ«ដើរដើម្បីសុខភាព»របស់ប្រទេសអង់គ្លេសបានថ្លែង ថា កង្វះខាតសកម្មភាពរាងកាយគឺជាមូលហេតុចម្បងមួយនៃការស្លាប់មុន អាយុដោយជំងឺផ្សេងៗខ្លាំងជាងការធាត់លើសទម្ងន់ ។ លោកបន្តថា ៖«អ្នកអាចធាត់និងមានសុខភាពបានប្រសិនជាមានសកម្មភាពរាងកាយ ប៉ុន្តែអ្នកក៏មិនអាចមានសុខភាពល្អបានទេ បើទោះជាមានរាងកាយស្គម ប្រសិនជាអ្នកមិនធ្វើសកម្មភាពរាងកាយនោះ»។ លោក Bird បានបន្ថែមថា ការដើរជួយធ្វើឱ្យល្អប្រសើរដល់សុខភាពក៏ព្រោះ វាជួយជំរុញកម្លាំងដល់បណ្តាកោសិកាពិឃាត ទប់ទល់ការរលាកក៏ដូចជាទប់ស្កាត់ការបំផ្លាញដល់អាគុយថាមពល ក្នុងបណ្តាកោសិកាទាំងឡាយ ៕
ប្រភពពី៖ កាសែតកោះសន្តិភាព
No comments:
Post a Comment