បុកក្រសាំង – Bok Krasang
បុកក្រសាំងងាយធ្វើជាទីបំផុតហើយចំណាយលុយតិច។វាជាមុខម្ហូបហូបបន្ទាប់បន្សំ
ពេលដែលយើងទ្រលាន់នឹងម្ហូបទឹកម្ហូបខ្លាញ់។ល។
បុកក្រសាំងមានរសជាតិជូរ, ប្រៃ, ហិរដែលគេចូលចិត្តហូបវាជាមួយត្រីអាំង ឬត្រីចៀន។
សំរាប់មនុស្ស៖ ២ ឬ ៣នាក់
* គ្រឿងផ្សំ ៖
ក្រសាំង២ផ្លែ, ពុះជាពីរឆ្កិះយកសាច់និងគ្រាប់ទុក (ប្រហែល៤ស្លាបព្រាបាយ)
ម្ទេសហិរ២ ឬ ៣ផ្លែ
ស្ករស១ចឹប
អំបិល 1/2 ស្លាបព្រាកាហ្វេ
ម្សៅស៊ុបខ្នុរ1/2 ស្លាបព្រាកាហ្វេ
ខ្ទឹមស១កំពឹស(បើចង់ដាក់)
ស្លឹកខ្ទឹម១ដើម, ហាន់(បើចង់ដាក់)
* វិធីធ្វើ ៖
១. បុកខ្ទឹមស និងម្ទេសឲ្យម៉ដ្ឋ។
២. ដាក់សាច់ក្រសាំងចូល, អំបិល, ស្ករស និងម្សៅស៊ុបខ្នុរ។ បន្តបុករហូតគ្រឿងចូលគ្នាសព្វ
៣. ផ្ទេរដាក់ចាន។ អាចហូបជាមួយត្រីអាំងឬត្រីចៀន៕
ប្រភព ៖ ខ្មែរ79
No comments:
Post a Comment