ឥឡូវនេះលែងជាការសង្ស័យទៀតហើយ រថយន្តដែលលោកបានសន្យានោះបានបង្ហាញរូបរាងហើយ។ រថយន្តជំនាន់ថ្មីនោះមានឈ្មោះថា Angkor EV 2014។ បើមើលលើរូបរាង Angkor EV 2014 គឺប្រហាក់ប្រហែល Angkor EV 2013 ប៉ុន្តែមានការកែប្រែមុខមាត់ថ្មីមួយចំនួនដូចជា ចង្កៀងមុខរចនាថ្មីប្លែកមើលទៅប្រកបដោយឥទ្ធិពល។
ជុំវិញព័ត៌មានលម្អិតពីរថយន្តអង្គរម៉ូដែលថ្មីនេះ Sabay នឹងជួបសម្ភាសលោកញាន ផល្លឹក ដើម្បីស្វែងរកព័ត៌មានបន្ថែមពីរថយន្តជំនាន់ថ្មីរបស់លោកនេះ យកមកចុះផ្សាយជូនប្រិយមិត្តនៅលើកក្រោយទៀត។
គិតមកទល់ពេលនេះ រថយន្តម៉ាកអង្គរ ៤ ម៉ូដែលដែលលោក ញាន ផល្លឹកបានផលិតនិងមានការទទួលស្គាល់ពីសំណាក់ពលរដ្ឋកម្ពុជា ក្នុងនោះមានដូចជារថយន្តអង្គរ ២០០៣, អង្គរ ២០០៤, អង្គរ ២០១០ និងចុងក្រោយ អង្គរ EV ២០១៣។ ដោយឡែកនៅដើមឆ្នាំ ២០១៤ នេះ រថយន្តអង្គរម៉ូដែលថ្មីមួយទៀត Angkor EV 2014 ដែលជារថយន្តជំនាន់ទី ៥ ត្រូវបានលោកអភិវឌ្ឍនិងបង្ហាញដល់ពលរដ្ឋកម្ពុជាទស្សនា។
មើលការប្រៀបធៀបលក្ខណៈខុសគ្នារថយន្តរថយន្តទាំងពីរនេះ
ប្រភព៖ សប្បាយ
No comments:
Post a Comment